صوت العدالة – محمد بنعبد الله
يوم على يوم مجلس جماعة تسلطانت فضايحوو كيبانوو…، بعد اتهام المجلس السابق من طرف مجهول بممارستهم الدكتاتورية على سكان البلدة الشريفة أمام نواب رئيسة المجلس و زيد و زيد…، اليوم نائب بنفس الجماعة المكلف بالرخص و ما ادراك ما الرخص، تم الحكم عليه من طرف محكمة الإستئناف بمراكش 3 سنوات سجنا نافذا بعلة تكوين عصابة اجرامية متخصصة في السرقة رفقة أشخاص آخرين، للإشارة مزال.. إلى ما بان ملف اخر و الله اعلم .
نريد الشفافية و الوضوح، هذا ما صرحت به النݣافة زعما الرئيسة للعموم، ما معنى ذلك معاليك ؟؟؟
زعما الفلوس باي باي… و كل حاجة ليها طريقها مع السيد النائب المحترم لي عندوو خبرة فالسرقة، خصوصا تم تكليفه بالرخص و الشرطة الإدارية باغنى جماعة بالجهة ان لم نقل بالمغرب !!!، هكاك… هادشي ولا بالعلالي، واش كول و وكل ولا غير بوحدوو ؟؟؟ (هادا مجرد سؤال و لكم واسع النظر) .
هادشي خطير و بزاف… تسلم المسؤولية لغير اهلها، ماذا ننتظر من هذا الشخص و هو اصلا من ذوي السوابق فالميسة (مجرم)، و كيف سيخدم مصلحة المواطن و هو اصلا خرب مواطن أجنبي حياتوو بعدما اعتدى عليه في عقر داره فيلا يملكها الأخير، واش هادي هي الصورة لتستحق بلادنا !!!؟؟؟ هادا هو الدحك على الشعب .
بلاتي بلاتي… الفهم تقيل شوية، عصابة اجرامية متخصصة في السرقة، حكم جنائي ب 3 سنوات و ممكن ملف اخر بنفس المحكمة، و نائب رئيس أغنى جماعة ؟؟؟؟؟ نعم هناك عدة علامات استفهام، إذن هناك ما هناك، الفلوس مشات احمادي .
معالي والي جهة مراكش آسفي و عامل على عمالة مراكش ما جوابك على هذا الحكم بصفتك ممثل صاحب الجلالة نصره الله ؟؟؟
