بقلم : محمد البشيري
صوت العدالة :
ملي كنتكلموا على البورصة..كنتكلموا على السوق ديال مووووكة، يعني الفضاء لي كيتم يها تداول الاسهم مع رؤويس الاموال بملايين الدراهم، لكن الاشكال ان العمل بهاد الطريقة كيبقى مبهم بزاف خصوصا أنه كنتعاملو مع شي حاجة رقمية متعلقة فقط الظروف الاقتصادية وبعوال مختلفة، هادشي علاش هاد القطاع فضاء ديال الاحتيال والفضائح المالية..كولشي بالقوالب.
وبالفعل هاد المرة الشرطة القضائية جمعات اطوات مع ملف جديد.. بعدما القت القبض على السيدة الاولى اللي لعبات دور “القراصنة”، المدعوة بوهية، هادشي جا بعد شكايات ضدها من الهيئة المغربية لسوق الرساميل، تتهمها من خلالها بارتكاب افعال جرمية تهم النصب والاحتيال، خاصة وانها تتربع على هرم شركة تحمل اسم “غلوبال نيكسوس” لتدبير الرساميل، كرئيسة فعلية للشركة.
الاعتقال جاء على اثر الشكاية الصادرة عن الهيئة المغربية لسوق الرساميل التي حملت ضد الموقوفة تهما ثقيلة تتباين بين النصب والاحتيال وخيانة الامانة مع اساءة استخدام اصول الشوكات، ولتعزز بشكاية من نفس القبيل لدى المحكمة الابتدائية بالبيضاء بخصوص ملف صندوق الاستثمار الأخضر، يعني السيدة روناتها مزياان، لدرجة انها مبقاش عندها الحق تخرج على برا د المغرب.. الباصبور مبقاااش خدام، موووشكيل هذا!!
الاشكال لي واقع ان القراصنة ديال البورصة ممكن اديرو بزااف ديال الطرق باش اخرقو القواعد، من بينها تاسيس شركات وهمية، بالتالي خلق استثمارات فيها إن وأخواتها..المهم السيدة راها شادة اكثر من 52 فالمائة من أسهم “غلوبال نكسوس”. لي كيستحود افراد العائلة ديالها على هاد النسبة ديال الاسهم، ولكن ملف الشركات المشبوهة أو ممكن تكون حتى وهمية هو الجانب الخطير فهاد القضية..حيث نجد ان الموقوفة كان لها يد في تأسيس شركة “gestclean” والتي تهتم بالبيئة وحمايتها ويقف على سدة القرار ابن احد البرلمانيبن التجمعيين اللي هو” ولد عمر ” والذي تقدمت في شانه شكايات عدة من مستشارين في مقاطعة عين السبع مع التقدم ضده بتهم ثقيلة ..شفتي القضية فيها الحامض!!
القضية غتزيد تحماض..اذا ما علمنا ان ذات الشكاية التي تقدم بها المستشارون تجاوزت ابن البرلماني التجمعي الى رئيس المقاطعة ” السي عمر ” الذي اقحم في الملف لكونة مدير شركة غلوبال نكسوس التي أسستها الموقوفة من قبل الشرطة القضائية، وتشغل بها منصب المديرة العامة. حيث جاءت التهم تباعا لتشمل الاختلاس في اموال عمومية مع تجاوز القانون واستغلال صلاحياته بشكل ينافي القانون .. هادشي كامل بالدلائل والاثبات في الشكاية لي تقدمات الوكيل العام للملك لدى استئنافية الدار البيضاء.. يعني القراصنة موحال واش احتافظو بالكنز !!!
وفي ذات الاطار فإنه وحسب مصادر ” صوت العدالة” فقد ثبت بالدليل ان احدى الشركات قد استفادت وبشكل غير قانوني من رخصة استغلال عقار في ملكية جماعة الدار البيضاء، ليتأكد بعدها ان الشركة في ملكية المشتكى به ولكن مسجلة فسميت ولدوووو.. بينما المقر في ملكية رئيس المقاطعة.. المهم هاادشي فشكل اخاااي!!
دابا لي مهم ان القراصنة ديال البورصة مكانوش متوقعين هادشي كامل اوقع، لأن الهيئة المغربية لسوق الراسميل حالفة حتى ترجاع المبالغ المستثمرة مع التعويضات علي الخسائر لي ضربات المستثمرين نتيجة النصب والاحتيال، والخروقات ديال الصندوق الاخضر والشركة لي غير طالقاها على الناس ..الحاصول مشااات السيدة لجزيرة الكنز!!! و السي ولد عمر راه حل ضيفا على الشرطة القضائية للتحقيق في التهم المنسوبة اليه.
انتضرونا في تحقيق مفصل على صوت العدالة.
…. يتبع…..
