بقلم : م.البشيري /ع.السباعي
صوت العدالة
متابعة للفضيحة الحقوقية والقانونية التي كان وزير حقوق الانسان بطلها بكل امتياز، بعدما اتضح ان كاتبته الخاصة العاملة بمكتبه للمحاماة، لم تكن تتمتع بأبسط حقوق المستخدم والعامل البسيط، بعدما آنكشفت الحقائق وتبين حرمانها من الضمان الاجتماعي..واش كذبنا!!
اليوم يخرج الينا ما سموه “بيان الحقيقة” مصادق عليه يوم امس السبت، 20 يونيو 2020 اللي هو اصلا يوم عطلة . واش فهمتوني!! من جهة ثانية هاد الورقة لا تحمل من مقومات البيان إلا كونها قد كتبت على ورق، حيث جاءت فيها عبارات أججت اللبس والغموض، بعد صياغته بمنطق التبرير وتقديم جملة الاعتبارات الواهية، في اشارة الى كون حالة عدم تسجيل المستخدمة في الضمان الاجتماعي، كان نتاج اختيار لا اكثر!!
ياااك المرضي كاين شي خدام دابا كيخدم بلا وثائق!!
ويضيف البيان ان السيد الرميد طلب مرارا من المستخدمة التي كانت تعمل قيد حياتها كاتبة في مكتب المحامي ذا التوجه الاسلامي، ان تسجل نفسها، لأنه ممساااليش.. لكنها رفضت، بل واكثر من ذلك يقول البيان أنها لم تمكن مكتب اسي الرميد من بطاقتها الوطنية ولا من صورتها الفوتوغرافية.. يعني خدامة عندو اكثر من عشرين عام بدون ملف ..اش نقول ليكم بحااال هاد القصة قريتها فرواية كليلة ودمنة!!
نعاودها ليكم ..لا صافي بلاش، المهم أنا مشيت سولت واااحد الأستاذ محامي كبيييير و خبير في الشؤون القانونية ..فأكد ان التصريح لدى صندوق الضمان الاجتماعي، يعد امرا اجباريا، وان المشغل هو من يتحمل على عاتقه تسجيل المستخدم، وبالتالي فمسألة ادعاء امكانية ان يتكلف المستخدم بتسجيل نفسه هي ضرب من الوهم، ومحاولة بائسة يائسة لتبرير حقيقة تستوجب الكثير من المساءلة.. واااهادي حصلة!!
سي الرميد خاصووو محامي..باش افهمو أنه حسب ما ورد في البيان لي تسمى بيان حقيقة.. أن المشغل فهاد الحالة راه دخل فواحد المتاهة ديال العشوائية، ممكن توصل لحد التملص من المسؤولية القانونية في التعامل مع الاجراء، هادشي مافيهمش اتفاق، فيه ان القانون هو لي كيضمن حق الأجير بقوة القانون، بالتالي المشغل كيتحمل التبعات ديال هاد الخرق..سي المحامي وااقيلا خاصك محامي!!
الطنز العكري!! ان المستخدم بمجرد الالتحاق بفضاء العمل من تاريخه، يصبح بموجب عقد مبرم بينه وبين المشغل متعاقدا ومقيدا بجملة من الالتزامات التي يختل العقد مع الاخلال بها، وهذا امر معروف، فكيف يلتزم المستخدم ولا يلتزم المشغل؟!!هادشي فيه ريحة إن ولعل وسوف..!!
دابا من هادشي كااامل واش هاد السيد لي كتب البيان عارف اش كتب؟! راه عااامر كولو بالاعترافات، لي من خلالها تثبت بالدليل والبرهان الاخلال بالمسؤولية، وبالتالي وجب البحث والتحقق من المستوى المعرفي لمن حرر البيان، لانه ذهب بعيدا وحاول ان يبرر لماذا ذهب السندباد الى الصين!!
الفضيحة فين كاينة..هي ملي متكونش عارف باش منفوخة الكرة!! حيت القانون واضح، تيقول ليك جيني كووود متجيني معكووود.. واش غنبقاااو طاارت معزة!!
………….. يتبع…….
