بقلم : م. البشيري/ ع. السباعي
صوت العدالة
في إطار الاستعدادات الجارية على قدم وساق لإنجاح المحطة التربوية المقبلة، المتعلقة بامتحانات الباكالوريا، بادرت وزارة امزاري الى تفعيل مجموعة من الترتيبات والاجراءات بغية ضمان اجتياز التلاميذ للإمتحان في أحسن الظروف..ولكن!!
وعلاقة بالموضوع، انتشر مقطع “فيديو” مصور لتصريح وزير التربية والتعليم سعيد امزازي يصف فيه ويحدد من خلاله التوجيهات الصارمة الخاصة بالمحطة المقبلة، حيث قال بالحرف ” طلبنا من رؤساء المراكز ديال الامتحانات ان التلميذ ادخل غير بالاستدعاء ، امعاه لاترووس ديالو مفتوحة .. احوايجوو اخليهوم براا !! كيفاااش؟ اش غيدوزووو هاد الناس؟!! امكن السباحة!!
هاد التصريح ديال سي امزازي دار واحد الضجة والموجة ديال السخرية من قبل رواد التواصل الاجتماعي، لي طرحو مجموعة من التساؤلات بخصوص هاد التصريح، لأن الوزير تكلم على الترتيبات ديال الامتحان، ولكن واش امتحان ديال الباك علاش كيهدر ولا ديال السباحة؟!! واااه اخليو حوايجهوم برااا!!! هادي صعيبة!!
من جهة ثانية البعض منهم قال ان الوزير ربما كيهدر على الناس لي غيدوزو الامتحان فالحمام، بمعنى آخر أن هاد التصريح كيهم المترشحين لي عندهم الحمام فالاستدعاء كفضاء لاجتياز الامتحان، هووما لي مطالبين انهم اخليو حوايجهووم برااا.. اهادشي منطقي !! غير واش اجيبو معاهم السطولا ولا بلاااش !!
المهم هادشي لي قلنا هنا مجبناهش من راسنا، هادشي كولو كان حوار وردود بين رواد التواصل الاجتماعي ، لي خداو وقتهم فالتحليل ديال تصريح الوزير لي موثق بفيديو، بل اكثر من ذلك كان لي مشاااا بعيد، اطالب ان التصريح ديال الوزير خاصو اترجم للفرنسية باش يكون المعنى اوضح، اميكونش قابل للتأويل..خاصة أن الترجمة غتوصلنا لمعنى دقيق وواضح!! واا مشكييل هذا!!
دابا لي بغينا نعرفو واااش هذا بلاغ رسمي من الوزارة، لانه التصريح دار خبلة بين المهتمين بالقطاع، راه التعليم هذا، راه كنهدرو مع التلاميذ لي هوما النخبة، بالتلي كان اولى نستعملووو لغة أكثر اناقة و رقي.. المهم عنداكم تديروها بالصح، لي جااا للامتحان اجي لابس حوايجو كاااملين.. ميخليهووومش برااا !!
