النݣافة والمحاسب والمنصوري و ابدوح وحزب الإستقلال و الحكومة…!!؟؟ – جريدة صوت العدالةالنݣافة والمحاسب والمنصوري و ابدوح وحزب الإستقلال و الحكومة…!!؟؟ - جريدة صوت العدالة

النݣافة والمحاسب والمنصوري و ابدوح وحزب الإستقلال و الحكومة…!!؟؟

Serifiiii Serifii

الأربعاء 22 سبتمبر 2021 - 21:48

صوت العدالة- محمد بنعبد الله

جماعة تسلطانت عمالة مراكش، هذه الايام على صفيح ساخن هناك معارض و مؤيد، بعد الاستغناء على من صوتت لصالحه الساكنة بالأغلبية 14 مقعد و نكافة لاول مرة تتحمل المسؤولية باغنى جماعة، بعدما طورها المجلس السابق، و حصل حزبها على 6 فقط، المهم شاعلة ديال بصح…،حديثنا اليوم على عبد العزيز الدرويش الرئيس السابق لجماعة تسلطانت وكيل لائحة حزب الإستقلال صاحب الأغلبية، و مولات العرس الرئيسة الحالية للجماعة المذكورة وكيلة اللائحة النسائية لحزب التراكتور .

ساكنة تسلطانت و لا الرأي العام، يتساءل آش واقع…!! كيفاش الدرويش الأغلبية و رجل أعمال و مثقف و الفلوس… و دارو ليه الصابونة، ايه الصابونة.. و علاش سمح ليهم فالمنصب رغم أنه يستحقه..و ميقدش عليها شي واحد من غيروو…، هادشي ما مفهومش..،السيد حضر يوم التصويت على انتخاب الرئيس و النواب و هو فرحان و ݣاع أعضاء لائحة ديالوو جاو ب 14، و كان هو الاول لي هز يديه وصوت لصالح النݣافة!!! و حتى على نوابها… !!!؟؟؟

القضية فيها حزب الإستقلال.. إيه السي.. لي المنسق الجهوي ديالو محكوم عليه بالحبس المعروف بمول الكازينو حكم استئنافي نهائي ب 5 سنوات، قالوو اسيدي الديمقراطية.. مزيان ولكن واش عارفين مفهومها و لا عاودو ليكم عليها، آه ولا نتوما صحاب الفلوس و المناصب مفهومكم بوحدو، ولا لي قراونا حنا الله يسمح ليهم كذبوو علينا.. !!؟؟

مال المنصوري.. زعما معالي العمدة فاطمة الزهراء، بنت القاع و الباع، و شلل بها فمك، هي الجوكير دابا فالمغرب ادير ما بغات، والله اوو هضر شي واحد حتى تفاهم معاه، ما عرفت مالها مع الدرويش الكونطابل..؟؟؟!!! حيت حزبها لترأس الجماعة ب(الصلاة و السلام عليك ارسول الله) زعما انݣافة، ياكما المجلس الجماعي خاصوو العرسات بعدما الناس شبعات و تحقات ليهم الأمنيات ديالهم، آه ولا حيت تسلطانت فيها دور الضيافة بزاف و الفنادق غادي يبغيو النشاط هاهوا شاط.. . و هي كولشي فالحزب العمدة البوكوسة، خليني من وهبي مول حادثة سير، زعما مرسديس الرباط، و رئيسة المجلس الوطني إيه امولاي، صراحة مرأة و ݣادة، و علاش زعما مزݣيتوش الحاج عبد القادر الحباب وخا وكيل اللائحة ديالكم، ياك حتى هو قاد على المسؤولية..!!! آه نسيت راه صاحب الدرويش، جيبي بيه الاصوات من تسلطانت باراكا عليك . هادي هي التيلي كوموند ولا فالا .

المهم الفيلم مفهوم.. المنسق الجهوي لحزب الاستقلال و الأمين العام ديالوو، كيقلبوو على حقائب وزارية و ترضي عليهم لالهم فاطمة الزهراء، مقابل مصالح الساكنة فتسلطانت، المهم تبارك الله على المنصوري و ابدوح و زيد وزيد…،و الحزبين معا، دمتم متالقين كعادتكم .

مقالات ذات صلة

الجديدة: هل ينجح شركاء المحاسب في إقبار شكاية الشهيرة للهيئة المغربية لحماية المواطنة والمال العام؟

الجديدة: هل ينجح شركاء المحاسب في إقبار شكاية الشهيرة للهيئة المغربية لحماية المواطنة والمال العام؟

مجلس اقليم خنيفرة يستكمل هياكله بانتخاب رؤساء اللجان ونوابهم

مجلس اقليم خنيفرة يستكمل هياكله بانتخاب رؤساء اللجان ونوابهم

البيضاء …قمع وقفة رافضي التلقيح ومضايقات تعرض لها الصحفيون

البيضاء …قمع وقفة رافضي التلقيح ومضايقات تعرض لها الصحفيون