فضيحة جديدة معندها علاقة هاد المرة لا بآتاي و لا التمر و الحلوة بباشوية ايت اورير، ولكن فضيحة استحقاقات انتخابية.. هذا كلام خطير

محمد بنعبد الله : صوت العدالة

كاليك ااسيدي وكيل لائحة حزب العدالة والتنمية بالانتخابات الجزئية ببلدية ايت اورير عمالة الحوز جهة مراكش آسفي، أنا قدمت شكاية لسعادة الباشا على سلوكات بعض أعوان السلطة بالمنطقة لولاو مدخلين راسهم فالانتخابات ، بلاتي مزال مفهمتوش مزيان و لاو منحازين لحزب اخر فهاد الاستحقاق، هادشي ليكال فالتدوينة ديالو على الصفحة ديالو الفيسبوك وقال بالحرف : يروج حاليا أن هناك أعوان سلطة يقومون بتوزيع قفف و هناك محاولات لإستمالة المواطنين لتوجيه التصويت لفائدة حزب معين في بعض الدوائر.. هاد الكلام خطير

.. هادشي ما وضحش مزيان، ولكن بلاتي راه قال عوتاني فالجواب ديالو على الصحافي لكتوفر عليه جريدتنا عبر قناتها : ساتيفى Satv ..بانه ” لاحظنا بعض الممارسات لأعوان السلطة التي ليست من صالح هذه العملية اي الانتخابات، خاصها تكون نزيهة… كال هو مشي حنا و شوفو الفيديو هو الدليل لي العنوان ديالو : تصريح وكيل لائحة العدالة والتنمية بايت اورير حول بعض الخروقات في الحملة الانتخابية.

ياك اسيدي ، مزيان اوااا سعادته سي الباشا دار شي تقرير ولا بحث على هادشي.. حيث هادشي خطير القضية فيها القفف و ايضا منين جاتهم هاد القفة، خاصة ان السلطة يجب عليها الحياد … ؟؟؟ من جهة الى كانت الشكاية تقدمات لممثلي السلطة، اذن راه هادشي كاين ماشي غير اشاعة، واخا اعلاش الباشا مفخباروش الأعوان أش كيديرو ولا السادة القياد مكالو ليه والو …

فالحقيقة الى ثبت ان شي حد متورط فالقضية خاص المحاسبة، حيت هاد الامر تطاول على القانون، الدولة ديالنا عندها الحمد لله المسؤولين ديالها لي عارفين اش واقع، ولكن المقدمية مني كانو كيفرقو القفف على حساب مكال وكيل اللائحة و دايرين حملة لحزب ما فهاد الاستحقاق فين كانتو نعام سي..

عافاكم بغينا نفهمو حيت حنا فهمنا على قد الحال فين الاستعلامات ديال الدرك الملكي بالمنطقة و ديال العمالة و الباشوية… وضحو لينا راه انتخابات هادي اسعادته، واش ما قالو ليك والو حتا هوما …

المهم الحاصول مينفع غير المعقول مازال العاطي يعطي، راه المشاكل كثيرة بالمنطقة، و جريدة صوت العدالة قامت بتحقيق في المنطقة و داكشي بزاااااف… غير كتوضيح حنا ما كنتهموش شي واحد لكن بغينا حقنا فالمعلومة و هو الاصح …