هاد الأيام خرج تقرير من المفتشية العامة لوزارة المالية كيكشف معطيات حول تفويت رشيد الطالبي العلمي، وزير الشباب والرياضة السابق، وعضو المكتب السياسي لحزب الأحرار . لصفقة بناء بوابة إلكترونية خاصة بالمخيمات الصيفية، السنة الماضية ، بكلفة تفوق الكلفة الحقيقية أكثر من عشر مرات ( 250 مليون سنتيم ) .
ايه اسيدي 250 مليون باش يديرو بوابة الكترونية .
وخبط راسك انت مع الحيط .
حتى لهنا والقضية مفهومة ويقدروا يلقاو ليها شي تخريجة .
إوا أجي تسمع الفضيحة الكبيرة .!!
اسيدي هاد الصفقة المشبوهة وديما حسب تقرير المفتشية العامة لوزارة المالية ماحتارمت لا المسطرة القانونية لتمرير الصفقات وبدون طلب عروض يعني دازت حسي مسي .
ومن الناحية التقنية هاد البوابة ماكتوفرش على
المواصفات الخاصة بالمواقع المؤسساتية اللي كينص عليها ميثاق البوابات المؤسساتية، الصادر عن وزارة الصناعة والتجارة والاستثمار والاقتصاد الرقمي.
إوا الحاصول ومافيه السي الطالبي وكيما قالو الناس الاولين نقولوه ليك حتى حنا ” زيد الشحمة في ضهر المعلوف “
