بطولة الفئات .. لبؤات مزاب أثبتن الروح والعزيمة

فريق لبؤات مزاب لعب آخر ماتش ديالو فالموسم ضد فريق بوزنيقة، في فئتي: U15 وU17. كانت المباراة صعيبة، ولكن اللاعبات دارو مجهود كبير وتقاتلوا حتى للآخر.في الماتش الأول ديال فئة U15، خسرات لبؤات مزاب بنتيجة (2-1)، وفي الماتش الثاني ديال فئة U17، كانت النتيجة (1-0) لصالح بوزنيقة. ورغم الهزيمة، اللاعبات بينو على روح قتالية وشجعو بعضياتهم، وما ستسلموش.المدرب حسام افريدي كان حاضر وكيشجع اللاعبات من البداية حتى النهاية، وكان داعم كبير ليهم. حتى الرئيس خالد اليعقوبي كان حاضر بقوة، وساهم بزاف فهاذ الموسم، مادياً ومعنوياً. وما نساوش مسعف الفريق توفيق تراب اللي كان دايماً واقف مع الفريق، و محمد الابراهيميه والذي كان مصور يلتقط اللقطات المهمة و أمين المنياني الكاتب الإداري، اللي حضر وساهم فتنظيم الفريق وساندهم حتى للآخر.
فريق لبؤات مزاب هذي أول سنة ليه، ورغم الصعوبات والمشاكل، قدر يوصل ويلعب ماتشات قوية. صحيح النتيجة ما كانتش فصالحهم بحيث احتل المرتبة السادسة في فئة الكبيرات ، ولكن فالعين ديال الناس، هما ماشي خاسرين، حيث بداو طريقهم وبغاو يحققو الحلم ديالهم.
اللبؤات بينو بأنهم قادرين يوصلو، والمستقبل قدّامهم، والقادم إن شاء الله أحسن.