تحقيق : أجي نفضحوووهم !!
بقلم : م.البشيري /ع.السباعي
صوت العدالة
هدر المال العام من الاشكالات لي بانت اتفرشااات في الاونة الاخيرة، اعطاات ريحتها خاصة ان الأحزاب هاد الساعة النص منها كيعجن والنص لاخر كيكور ايعطي العور.. مكاين لا عمل سياسي لا مولاي بيه..كولها كينش على خبزتو!!
جريدة صوت العدالة اختارت ان تواجه العاصفة، في مبادرة من الإعلام الحر، لكشف خبايا الموضوع، عبر تحقيق احفوري اركيولوجي في ما دفنته الأحزاب السياسية، وما تنكرت له، الاحزاب دارت مقابر للمقترحات والقرارات لي كان من المفروض تدافع عليها .. ولكن مافيديهوومش!!
فهاد العدد.. جريدة صوت العدالة غنسلط الضوء على قضية” فرشني نفرشك!!” لي كان الهدف منها استمالة العاطفة ديال الشعب المقهور والتلاعب بالمواقف حسب الطلب.. والباقي كلنا كنعرفوه، هاد العملية ديال الفرشة كتكون غير بشكل موسمي، بحالها بحال المشماش..
الاسلاميين الله اعمرها دار، دخلوو للحكومة اضربو الطم، مبقاو كيهدرو عل ملفات فساد ولا التعويضات الريعية ديال النواب والوزراء، احتى ميزانية المهرجانات مبقاتش كتدخل فالتخصص ديالهوم.. لانها بكل بساطة ولاااات حلاااال!! ياك اسي المفتي؟
السياريين للأسف بدلو الطريق.. كلهم مشااو لليمين، مبقاوش عارفين واش اتبعوو الاديولوجية، ولا اتبعوو الواقع السياسي الميداني ايدبرووو على راسهم.. المهم ان الأفكار شيء والتطبيق شيء آخر، وبالتالي ممكن نقول ان نخب اليسار مشاات مع اليوسفي اصحابوو.. مبقاتش فالكوستيم!!! فهمتي!! حتى انا بغيت ندير الحنيكات!!
فالتحقيق ايضا غادي نشدوووهم من لسانهم.. حيث قال الزعيم اليساري سي لشكر، خلال إجتماع جمعه بأعضاء المجلس الوطني للإتحاد الإشتراكي بطنجة تطوان الحسيمة، ان وزراء من حكومة سي العثماني لباقي شاد لامباااا ، يحصلون على تقاعد برلماني إلى جانب التعويضات ورواتبهم كوزراء..” هادشي عرفنااااه.. اشنو هو الحل اعمووو؟
قال المناضل اليساري سي “لشكر” ان الحل هو طرح تساؤل على رئيس الحكومة حول تقاعد وتعويضات الوزراء، كما سئل عبد الإله بنكيران من قبل، صراحة ونعم النضال..ها حنا سولناه اجاوبنا.. اوااا امن بعد اسي لشكر؟!! بقات الامور كيف ما هي حيت مكايناا معنى.
دابا واحد لزيرووو.. غنتسناو اصحاب لامبا اردو على هاد الفرشة ديال بالصح، شي عايش بزوووج رواتب اشي كياكل النمل.. هادشي كاامل لأن الاحزاب انتهازية امفديهاااش من اللخر.
دقيقة انرجع ليكم …
