إلى أسود الأطلس قبل مواجهة الكاميرون

صوت العدالة- عبد السلام اسريفي

غدًا موعد الرجولة… موعد القتال الكروي… موعد كتابة التاريخ
ربع النهائي قدّام منتخب ما كيتلعبش معاه: الكاميرون
منتخب شرس، قوي، باغي الكأس كيفنا بالضبط
ولكن سمعو مزيان يا أسود
راه ما راكمش بوحدكم
وراكم 40 مليون مغربي
في المدرجات، في البيوت، في المقاهي، وفي كل بقعة من العالم
غدًا غادي تسمعو الصوت
صوت كيطلع من القلب
صوت كيقول:
سير ….سير…سيروا قدّام… قاتلوا… ما تراجعوش!
حتى إلا تعقدات
حتى إلا طال الماتش
حتى إلا تعبتم
راه الشعب معاكم
كيآمن بكم
وكيعرف بلي الرجولة كتظهر في اللحظات الصعيبة
دخلو للميدان بعقلية الأسود
لا خوف… لا تردد… لا رحمة كروية
ورّيو العالم أن المغرب إلا بغى يفوز… كيفوز
بالقلب
بالعرق
وبالقتال حتى آخر صافرة
يا أسود الأطلس
الفوز راه ممكن
الفوز راه قريب
غير آمنو براسكم
قاتلو على القميص
قاتلو على الراية
توكلو على الله
وراه الله معاكم
والمغاربة معاكم
والفرحة جاية إن شاء الله
ديما مغرب