م بنعبد الله- ع. السباعي
قلب القدرة على فمها تخرج البنت تشبه لمها.. على طول السنوات الماضية، لم تشفع علاقات حسن الجوار التي ابدتها المملكة المغربية اتجاه النظام الجزائري، الذي للاسف قدم اخر أوراقه كعصابة فاشلة فاسدة.. كان آخرها تسخير اعلامهم الفاسد.. ولكن ناارو على منقارووو!!
شكون شافو ليك يالمسوكة بالليل.. لي بغا اهدر على الشرفة ، خاصو اعرف اصلو منين، العصابة الفاشية ديال الدزاير بعدما لقات المملكة المغربية سادا عليها البيبان، امخلاتش ليها منين تدخل، بدات كتهجم على المقدسات الوطنية…قالو زمان “ضربو لحلقو ينسى اللي خلقو”.
الى شفتي المزلوط غادي زربان عرف مول الفلوس مسخرو.. هادشي لي واقع الجزاير مع البوليزاريو، عياااا متخسر عليها فالفلوووس، حتى ولا الشعب الدزايري المقهور مسكين تيااااكل البنان بالفورشيت.. المهم كيقولووو “آحاح على غدا اما اليوم راه عداااا”.
اليوم داااز.. ولكن لي جاي هو الاشكال، تاريخنا يا دولة الجنيرالات فعمرها قرووون ماشي عقود، من الشمال تاال للجنوب، كلهم اعتبروا الملك تاج احتارموه ايقدروه، لكن الجزاير من عهد بومدين تال دابا، ورؤساءها انتهازيين.. والدليل انهم ممعتارفينش تا بحسن الجوار لي بينا..نرجعو للتاريخ.. ياااك راه لي مخلص دينووو عمرو ميشبع!! فهمتيهااا ولا نزيد نشرح..
المهم، عقلتو نهار كان الشعب المغربي فعهد محمد الخامس كان اسيفط ليكم الدلاح، ايقدم ليكم الدعم والمساعدة فوقت ملقيتو متاكلووو.. انهار كان الشعب كيناضل من أجل الحرية، اللي للاسف مزال مخديتوهاش تال دابا مع للجنرالات. غتكونوا عاقلين على الحسن الثاني ملي عطف عليكم فحرب الرمال.. اوا باركة من الدصاااارة لنعاودو التاريخ.
مشات الجزاير تجيب القزبور رجعات حاملة بسبع شهور.. ملي الاعلام الجزايري بدا اكشف الوراق ديالو بلا ميعيييق.. بدا اهدر على سيااااد سيادو، بدا اتكلم على تاريخ قديم ديال دولة ميعقلووش عليه تا جداد جدادهم، حنا مملكة ماشي دولة عصابة بحالكم..
المهم لي غلب اعف، اهادشي معروف علينا..و الحصاااصول راه ولد الضبع غير ضبع.. دابا نسيفطو ليكم الشمع!!!
اقبل منساليو بلاتي.. هاد الراجل لي نتوما تهدرو عليه هو اول ملك جاب لشعبو لقاح ضد كورونا فافريقيا.. افااااااابووور.. ماي بحالكم الي عندو البترول والكااااز اكتطلبوه.. ياكما نطلبو سيدنا أصدق عليكم.. كااا ولا مكااااا.
