” رمز الوطن خط أحمر ” الدزاير فقدات البوصلة و بدأت في إلهاء الشعب الجزائري عن قضاياه الرئيسية . – جريدة صوت العدالة” رمز الوطن خط أحمر ” الدزاير فقدات البوصلة و بدأت في إلهاء الشعب الجزائري عن قضاياه الرئيسية . | جريدة صوت العدالة

” رمز الوطن خط أحمر ” الدزاير فقدات البوصلة و بدأت في إلهاء الشعب الجزائري عن قضاياه الرئيسية .

Mohamed Bachiri

الأحد 14 فبراير 2021 - 22:02

بقلم : محمد البشيري / ع. القادر السباعي

صوت العدالة

لي بغا العب العب حدا دارهوم.. هذا ما وقع للإعلام الدزايري الفاشل، عندما تطاول بحماقة غير محسوبة العواقب على رموز الملكة ومقدساتها، معتقدا انه يتعامل مع عصاباته المألوف الفاشية الفاسدة.. راه الملكية هادي اسييير تلعب.

اللي جا بغا اقارن راسو بملكنا.. واش عارفين اش كتقولو ولا غير كتخورو.. راه التاريخ ديال الدولة العلوية للناس لي مقاريينش التاريخ طبعا، هو قرون من الزمن، يعني قبل منعرفو الدزاير فين جات فالخريطة، واش فالشمال ولا الجنوب.. اسولووو ولادكم راه اعرفو على المغرب كثر من وهران، تلقاه قراا عليها كثر من بلادووو.. نزيكم!!

حناا بوابة إفريقيا.. حتا هاد قولو لا!! ولا نسيت تا الجغرافيا راكم كوسااالا فيها، راه النص ديال الاوربيين ملي كيبغي اجيو لأفريقيا كيعرف بان الباب هو المغرب، بمعنى لا وجود للاخر في مقابل المغرب.. كنقصد بالاخر الدولة لي هازااا نيفها للسما اهي وللاسف غير دولة عصابة.. ياك هادشي لي كاين ابلا منعاودو تاريخ الجنرالات..

القصة غادا اكتعقد اكثر.. ملي بديتو تهدرو على سيادتكم.. عرفو ان الرحلة بدات عليكم كطوااال بزااف، خصوصا ان المغرب كان ليه عليكم فضل كبير.. ولا تااا هاذي نسيتوها ابديتو كتعريو تاريخكم المعفن.. لي اصلا راه معندكمش.

قصتنا مع الجارة الدزاير، عامرة بالعبر، راه المغرب قدم ليكم الدعم احسن ليكم اكثر من مرة، ولعل حسن الجوار بينا ابينكم كان خير دليل، ولكن الجنرالات لي حاكمين البلاد عندهم العقل فالمؤخرة لذلك صعيب افهمو رسالتنا ليهوم.

اراك دابا للفراجة.. راه ما بعيدا غير طوكيو.. لان غدا غنوليو نعرفو شكون فينا لي كياكل رجلين الدجاج، اكيعتابر تصدير الريش ديال الفروج صناعة ثقيلة.. اكاياااكل البنان غير مرة فالعام، وايني فضيحة هادي.. اوا سد منقارك راه تاريخكم فيه زوج صفحات.. وحدة موسخة والثانية خاوية..

نجيكم من الاخر.. نهار تحرر الدزاير من الجنرالات، انجيو نهدرو انجلسو الارض. داباسالااات الحفلة املكنا فوق الراس، نحبوه انقدروه انحتارموه، واللي مفهم هادي ادير صبعو.. ايتسنا الرئيس لي نحشم نقول سميتو حيت عندنا فالمغرب راه عيب.. سالينا.

مقالات ذات صلة

زاكورة :  عون السلطة بقيادة  ترناتة بزاكورة  يرد على مطالبي عامل الاقليم  بعزله

زاكورة : عون السلطة بقيادة ترناتة بزاكورة يرد على مطالبي عامل الاقليم بعزله