بقلم : م. البشيري /ع.السباعي
صوت العدالة :
نايضة صباط بين المدارس الخاصة واباء واولياء التلاميذ بخصوص المستحقات المالية المترتبة عن التعليم عن بعد، حيث إن المؤسسات الخاصة تدرج التعليم عن بعد الذي استفاد منه التلاميذ خلال اشهر ابريل ماي ويونيو ضمن الخدمات التي تستحق بموجبها المؤسسة التعليمية تحصيل مبالغ كمستحقات لها.
ومن جهتها تؤكد فئة عريضة من اباء واولياء التلاميذ، أن المؤسسات الخاصة لم يراعي الظرفية الاقتصادية الحرجة التي تمر منها أسر وعائلات بأكملها جراء فقدانها الكلي أو الجزئي للعمل، نتيجة تداعيات كوفيد 19، بل وتصر هذه الفئات على التاكيد ان المؤسسات الخاصة كانت مادية بكل ما تحمله الكلمة من معنى، وتعاملت مع الوضع بانتهازية ووصولية، دون الاخذ بعير الاعتبار هذه الحالة الاستثنائية..
الوزارة ديال سي امزازي طلعات ما فديهاش، خلات المؤسسات والاباء فشد ليا نقطع ليك..مع العلم أن التعليم عن بعد كان اقتراح من الوزارة الوصية على التعليم ، هي التي طالبت كل المؤسسات التعليمية دون استثناء بالتدخل لتفعيله، مع اجرأة كل ما من شأنه تجاوز الظرفية الراهنةبسلام وبالتالي انقاذ الموسم الدراسي من سنة سوداء اللون بطعم البياض.. وااااخا هاحنا فعلنا التعليم عن بعد!!!
اوا دابا عاد ولات السنة كحلة بالمعقول، لا الدراري قراو نيشان باش اوجدو للامتحانات، لا الاساتذة ديال القطاع الخاص تخلصو، هادشي كولو دارتو الوزارة ديال سي أمزازي، لانها لم تكن واضحة بما يكفي في التعامل مع القطاع الخاص في ما يسمى بالتعليم عن بعد، ولم تضع اطارا عاما للظرفية الاستثنائية، لان المؤسسة التعليمية الخاصة هي قطاع ربحي مكتعطيش شي حاجة فاااابور.. هادشي باين!!!.
دابا القضية تطورات، خرجات من يد سي امزاري امشات للقضاء، يعني بكل صراحة، سي امزاري تقولب، لأن المؤسسات تجاوزات الوزارة ديالو فهاد القضية امشات للمحكمة نيشان باش تاخذ المستحقات لي كتقول انها ديالها، وذلك برفع دعاوى قضائية ضد مجموعة من الاشخاص تطالبهم فيها بأداء مبالغ مالية بآلاف الدراهم كمستحقات للتعليم عن بعد.. اوااا ها المزاح!!!
سي امزاري..ملي الوزارة ديالك معندهاش الحل ديال هادشي، لاش قلتو أمام الملأ ان الامتحانات ديال جميع المستويات باستثناء الاولى والثانية باك تلغات، خصوصا ان هذا الامر كان كافيا لتأجيج الوضع، واعدام استراتيجية التعليم عن بعد، التي جاءت فقط كخطة بديلة حتى يتمكن التلميذ من متابعة الدراسة والناستعداد للامتحان، دابا الامتحان مبقااش اذن مكاين لاش القراية.. هادي باينة!!!
سي امزازي دابا شعلات.. اشكون اطفيها، الاب عندو الحق ، لان ولدو مقراش فالقسم بالتالي مستافدش، والمؤسسة عندها الحق لانها قدمات خدمات عن بعد عبر المواقع التواصلية والبرامج، بالتالي خاصها تاخذ المستحقات باش تخلص الاطر ديالها، القضية حماضت بزاف.. واسي امزازي اش كتقول فهاد العجب!!!!
