محمد بنعبد الله
قال المثال المغربي.. محدها كتقاقي و هي كنزيد فالبيض .
هاد القضية ليست غريبة، بل عجيبة…، أرض الدولة و لي هيا ملك مشترك و ممر عمومي، جماعة الويدان عمالة مراكش، سمحت لشخص نافذ حسب ما توصلنا به، من أجل بناء برج عشوائي بها، و حبس الطريق على الساكنة المجاورة له، آه و سبق ليه انجز باب بالمدخل حتى هو فالطريق العمومية، و مكتوب عليه (ممنوع الدخول)، هادا هو المثال.. لهضر بترعف (الجماعة الله يعطينا براكتك)، الساكنة تنتظر من الجماعة تحميها ساعة بغات تجري عليهم…
هاد الفضيحة تتواجد بمكان يسمى بالمحامدية طريق فاس بالطريق الرئيسية، بالرسم العقاري 43/41458، و الخطير و بزاف.. تم صدور قرار بالهدم من طرف السلطة المحلية تحت عدد 203/28 بتاريخ 2013/11/1، و لكن لي عندو عندوو…، لحد الساعة كما تشاهدون في الصورة البرج مشيد على حقوو و طريقوو و بالكاميرات تراقبه .
السؤال المطروح.. كيفاش حتى تنازلات الجماعة عن متابعة صاحب البرج قضائيا، بالرغم من محضر السلطة المحلية التي تؤكد أن البرج هو عشوائي آه وراه سكني !!!، بناءا على اشنوو…، واش قام بتسوية وضعيته القانونية واخا على ممر عمومي !!؟؟، فاهمين معنى ممر عمومي.. ولا مفهومكم أنتم حاجة أخرى .
القضية حامضة..، الساكنة المجاورة تطالب بمغيت فهل هناك من مغيت ااسي والي الجهة قسي الحلو، حيت لم تقومون بتنفيذ قرار صادر عن ادارتكم المحترمة بهدم بناء عشوائي اولا و على الطريق العمومية ثانيا ؟؟!!
صوت العدالة.. تحترم حق الرد و الرأي و الرأي الآخر طبقا للقانون .