صوت العدالة/ رشيد أنوار
أثارت قضية حضور غرباء و تعويضهم لصحفيين في مجموعة من الأنشطة الكروية جدلا كبيرا على مواقع التواصل الإجتماعي .
و في تدوينة لرضوان الرمضاني حمّل المتتبعين و الداعمين لقنوات من يطلقون على أنفسهم “مؤثرين ” المسؤولية :
“العام كامل والأغلبية كتسب في الإعلام المغربي، وكتطلّع فقنوات يوتيوبية وصفحات فايسبوكية، ونهار الزميل مول القرد مشى يغطي مونديال النساء ناضت هاد الأغلبية كتقول علاش ما مشاوش الصحافيين
ياك كتقولوا أصلا ما عندناش صحافة… إيوا يمشي مول القرد آش فيها؟
غير وكان راه مول القرد وموالين شلَّا حاجات نتوما اللي صنعتوهم، ونتوما اللي كنتو كتقولوا هو وغيرو هوما صوت الشعب…
دابا راه ما وقع والو… غير صوت الشعب شخصيا مشى لاستراليا… سمعوا وتفرّجوا فصوتكم دابا”
و هو تعليق على وجود شخصية فكاهية تنشط ضمن وسائل التواصل الإجتماعي ضمن الوفد الصحفي المشارك في تغطية كأس العالم للسيدات 2023 بأستراليا و نيوزلاندا ،فيما نفى مصدر جامعي علاقة الجامعة به .
اما موقع”كود” فقد نشرت مقالا بعنوان” عصابة سعد وفضايح “دوزيم”. كيفاش قناة عمومية طالقة رباعة منتاحلين صفة صحافي وكيستجوبو سفيرة وغاديين بمدير يتسارى بفلوس الدولة” .
ركزت فيه على مساهمة القناة الثانية في تشجيع منتحلي صفة صحفي ، و إعطائهم مهام صحفية عوضا عن المهنيين ،و سردت قضية “سعد “و فق ما نشر:
“دابا هاد السيد مع رباعة من ربعة رهوط. جوج رهطات وحدة ممثلة ولخرى شي تخربيقة اخرى وجوج رهوطا. قناة عمومية اسمها “دوزيم” رفضات ترسل صحافييها لهاد الحدث. رسلات صحافي فالرياضة واخر من موقع القناة وكاميرامان وما بغاتش ترسل كثر واخا الحدث يستاهل وفضلات ترسل هاداك سعد اللي كيدافع عليه شي حد فالدولة.
ماشي غير رسلاتو. رسلاتو وعطات لشركة ديالو. اييه. انتاج شي تفاهة اسمها الفرقة. يعني مفوج وراجع بالفلوس. ما عمر “دوزيم” وصلات لهاد الحقارة وهاد الدناءة. ما عمر هاد القناة اللي كانت رائدة فالرياضة قبل سنوات٬ رجعات كتجيب كلونات. تصورو الماتش اليوم سالى ب6 لزيرو وهاد لكلونات كيشطحو وينقزو خارج الملعب المستطيل بميلبورن.
هادو ماشي غير كيتعداو على كرامة صحافيات وصحافيي دوزيم. راه وجودهم اهانة لبلاد كلها. كيشطحو وكينقزو ولالمانيين اللي رابحين ب6 كاعيين. واحد فيهم سولاتو “كود” علاش ما عاجبوش الحال. قال باللي كانو يربحو باكثر وما ربحوش. ما عاجباش النتيجة. واييه.
هادو كون كيفهمو الكورة. كيعرفو اش كتعني. كيدخلو للتيرانات. ما يديروش هاديك الحالة. اللعابات كيف شافتهم “كود” بعد الماتش كانو منهارات. بصاح منهارات. بكاو. باينة فعينيهم. دارو جهدهم ولقاو منتخب كبير.
نرجعو للرباعة. كيفاش دوزيم” تسمح لهادو ينتاحلو صفة صحافي. كيفاش المنظمات المهنية ساكتة على تجاوز هاد القناة لهاد المهنة. دوزيم فيها متعاونين ما تخلصوش هادي مدة وعندها لفلوس تخلص هاداك سعد وصحابو.
اش كيدير مدير الماركوتين فالقناة فاستراليا.
تا راه ما بقاش لحيا. كلشي كيدير اللي بغى. دابا هاديك هند جبارة اللي كيدير شوية التمثيل اش لاحها للصحافة. اش داها تسول سفيرة. وهاديك السفيرة ما حشماتش تعطي تصريح لوحدة منتاحلة صفة.
ادارة القناة مسؤولة على هاد الجريمة اللي كدار فحق الصحافة.
بغيتو لبلاد يسيروها بحال سعد عطيوها ليهم. ديك الساعة غادي يضربنا الضو حقاش ماشيين للحيط. خاص كلشي يتحرك باش يوقفو هاد الجريمة اللي كدار فهاد لبلاد. ضد هاد المهنة. صحاب المهنة عندهم مسؤولية فهاد الشي. كيسولو صحاب هاد الرباعة وكيستجوبوهم. هاد النتيجة”
